Një tjetër autobus nga Kosova u ndalua nga autoritet hungareze, ndërsa
mediat atje bënë të ditur se brenda një dërgese u gjetën armë dhe një zmadhues i zërit.
Klankosova.tv ka kontaktuar me linjën e autobusit, Meti Comerc, nga ku u bë e ditur se dërgesa kishte ardhur nga një shtetas i Kosovës, 24-vjeçar.
“Janë katër autobusë brenda një jave. Te kompania jonë ka ndodhur kur një 24-vjeçar te Stacioni i Autobusëv në Prishtinë, rreth orës 05:30 e mëngjesit ka pru një dërgesë për me dërgu në Belgjikë, shoferët e kanë pranuar porosinë, kur kanë shku te dogana hungareze, zyrtarët e doganës kanë hasur në armë dhe një zmadhues të muzikës. Me të lajmëruar, rastin e kemi denoncuar në Policinë e Kosovës, rasti ka ndodhur më 1 korrik, ndërsa 24-vjeçari është arrestuar më 3 korrik”, bëri të ditur menaxheri i kompanisë për Klankosova.tv.
Sipas të njëjtit, shoferët e autobusit nuk janë ndaluar nga autoritetet hungareze, ndërsa autobusi është ndaluar derisa është kryer ekspertiza e nevojshme.
Një rast i njëjtë i ndodhi edhe kompanisë “Pranvera Travel”. Menaxheri i kësaj kompanie, për Klankosova.tv konfirmoi se një rrjet i organizuar është i përfshirë në këto raste.
Klankosova.tv ka dërguar pyetje edhe në Policinë e Kosovës, dhe është në pritje të detajeve më të hollësishme.
https://klankosova.tv/ndalimi-i-autobusit-kosovar-ne-hungari-pas-dyshimeve-per-kontrabande-ne-kater-kompani-eshte-tentuar-futja-e-armeve111/
