Australiania Olivia Vinson, 34-vjeçare, ka thyer rekordin botëror Guinness për numrin më të madh të tërheqjeve (pull-ups) në 24 orë për femra, duke realizuar plot 7,079 tërheqje - gati dyfish më shumë se rekordi i mëparshëm prej 4,081 të vendosur në vitin 2021 nga polakja Paula Gorlo.
Fillimisht skeptike ndaj idesë, Vinson vendosi të përballet me sfidën pas një sugjerimi nga bashkëshorti dhe trajneri i saj. Pas një llogaritjeje të thjeshtë, ajo e pa si të mundur dhe nisi përgatitjet intensive.
Përpjekja e parë u ndërpre pas 12 orësh për shkak të një dëmtimi në krah. Pas dy muajsh pushim, ajo rifilloi stërvitjen dhe në përpjekjen e dytë, ndonëse me vështirësi fizike, arriti të përfundonte sfidën me sukses.
"Kam arritur një shifër që nuk e kam menduar kurrë të mundur për veten. Rekordet botërore tregojnë se sa larg mund të shkojë potenciali njerëzor", tha Vinson për Guinness.
https://www.youtube.com/watch?v=0orL9GKcizg
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
