Atletico e Simeones po vuan në 'Champions', sonte një sfidë tjetër e vështirë ndaj PSG

Dy humbje radhazi në Ligën e Kampionëve, karshi një fitoreje që e kishin arritur ndaj Leipzigut në minutat e fundit. Atletico Madrid ka pësuar keq nga Benfica, 4-0, kurse humbi edhe para tifozëve të vet me rezultat 1-3, nga Lille i Edon Zhegrovës, raporton Klankosova.tv. Përkundër që e mbyllen pjesën e parë në epërsi, ishte pikërisht ylli i kombëtares së Kosovës, ai që me super-gol, barazoi shifrat, për t'i hapur rrugë triumfit. Sonte sërish një sfidë shumë e vështirë për ekipin e trajnerit Diego Simeone. PSG vendase kërkon fitore në "Parkun e Princave", pasi deri tani e ka arritur vetëm një, kur e mundi Gironen spanjolle me rezultat minimal 1-0, njofton Klankosova.tv. Në dy ndeshjet tjera, parisienët morën vetëm një pikë, meqë humbën nga Arsenali 2-0 dhe barazuan 1-1 në shtëpi me holandezët e PSV Eindhoven. PSG - Atletico Madrid transmetohet direkt me fillim në orën 21:00, në kanalin Sport 2 të platformës kryesore shqiptare, Art Motion. [caption id="attachment_2417606" align="alignnone" width="2000"] Kompeticioni kryesor i futbollit evropian për klube, UEFA Champions League, trasnmetohet ekskluzivisht në Art Motion[/caption]