Lajmet e fundit
Pak ditë më parë, Feronikeli 74 vendosi të tërhiqej nga të gjitha garat, por më pas u zmraps nga ky vendim.
Ndërkaq sot, ekipi që zë vendin e fundit në tabelë pret kampionin në fuqi, Ballkanin.
Edhe pas 11 xhirosh, klubi nga Drenasi po orvatet të sigurojë fitoren e parë.
Sidoqoftë, në letër këtë javë e ka edhe më vështirë pasi që luan kundër suharekasve të cilët nuk kanë humbur që pesë xhiro.
Ende më të pakalueshme këtë sfidë e bën fakti që Feronikeli nuk e ka fituar asnjërën prej 18 ndeshjeve të fundit në të gjitha garat kundër Xhebrailave të cilët i kanë fituar 13 prej tyre.
Këtë ndeshje mund ta ndiqni LIVE në platformën Art Motion, në kanalin Sport 2, me komentator Arbon Flugajn.
