Asllani: Jemi në një grup të fortë dhe nuk na llogaritin, por ne kemi arritur këtu me meritë

Mesfushori i Kombëtares Shqiptare, Kristjan Asllani ka folur pas fitores së bindshme me Azerbajxhanin.

Ai është shprehur se kundërshtarët e tyre nuk po i llogarisin ata, por që sipas Asllanit, Kombëtarja ka arritur me meritë në vendin që janë, duke derdhur djers.

Po ashtu, ai shprehet i entuziazmuar për ndeshjen me Italinë.

“Jemi në një grup të fortë dhe nuk na llogaritin, por ne kemi arritur këtu me meritë, duke djersitur shumë. Po punojmë shumë për të bërë të tjera surpriza, duke nisur nga ndeshja me Italinë, të cilën mezi e pres. Kam folur shpesh me shokët e mi te Interi për këtë përballje. Tani kam luajtur dy ndeshje miqësore të plota dhe kam ritmin e duhur në këmbë. Jemi gati të bëjmë maksimumin në fushë”,u shpreh Asllani në një medie të Italisë.

“Te Interi më kanë ndihmuar shumë dhe këtë sezon kam marrë më shumë minuta. Jam rritur shumë dhe po punoj për t’u përmirësuar edhe më shumë. Nuk do të largohem nga Interi, pavarësisht zërave të merkatos”, tha mesfushori shqiptar.