ASISTI 479: Starti i nxehtë i pranverës në Ligën Unike dhe kritika për temperatura polare në palestra

Analiza Komplete e 6 ligave kombëtare e mbarëkombëtare dhe përmbledhja nga NBA MLK Day 2022 Për ju adhurues të basketbollit në Artmotion dhe Klan Kosova, ASISTI 479 sjell analizën komplete dhe speciale të xhiros së tetë të Ligës Unike në konkurrencën e meshkujve, të parës për stinorin pranveror, teksa në vikend u zhvillua java e 17-të e Artmotion Superligës, nga e cila u veçua derbi klasik mes Bashkimit dhe Sigal Prishtinës.

• Cila prej skuadrave shkëlqeu në rikthim të Ligës Unike dhe cila bëri befasi?
• Cila është Pesëshja e Javës dhe MVP i xhiros së 17-të të Artmotion Superligës?

ASISTI 479 sjell edhe analizën e detajuar nga dueli i prishtinasve në 'Delasport Balkan League' kundër Ibrit të Rozhajës. Çka dhe pse i ndodhi ajo që i ndodhi Sigal Prishtinës në ndeshjen kundër skuadrës malazeze në Ligën Ballkanike, këtë do ta mësoni në analizën e ASISTIT 479. Për më tepër, sonte ASISTI sjell më të rejat e basketbollistëve tanë që luajnë nëpër botë, në kuadër të bllokut unik 'Shqiptarët në Botë' në ASIST. Si zakonisht, pjesa e fundit u dedikohet përmbledhjeve të ligave më të forta ndërkombëtare: raportet nga liga më e fortë rajonale evropiane ABA Liga, e cila transmetohet ekskluzivisht në ARTMOTION, Euroleague dhe natyrisht bllokun e përmbyllim duke fluturuar përtej Oqeanit Atlantik në NBA, prej nga sjellim përmbledhjen javore dhe lajmet më interesante nga kjo gjithësi e basketbollit, me theks të veçantë nga multi-transmetimet maratonike të NBA 360 dhe NBA MLK DAY 2022

• Cilat yje kanë më së shumti vota për “All-Star” dhe kush pritet të jenë kapitenët?
• Kush është lideri në garën për çmimin e MVP?
• Çka po ndodh me skuadrat favorite dhe pse po hasin në probleme Lakers, Clippers dhe Celtics?

Gjitha këto dhe shumë më tepër ju presin sonte në kuadër të episodit 479 të emisionit të parë dhe të vetëm për basketboll në shqiptari: ASIST. Krejt në fund vjen ajka: TOP 10 aksionet e javës në ASIST. E hënë, me fillim nga ora 21:00 në Art Sport 1 dhe dhjetë minuta pas mesnate në Klan Kosova. KËNAQUNI!