Artpolis prezanton artin feminist në Festivalin WeToo në Paris

Artpolis do të prezantohet sot në Festivalin WeToo në Paris, me shfaqjen “Revolt. She Said. Revolt Again”, dhe do të jetë pjesë e Tryezës së Rrumbullakët më 20 shtator, me Zana Hoxhën si paneliste, e cila do ta ndajë përvojën dhe vizionin e saj për barazinë gjinore dhe ndryshimet shoqërore. Ky prezantim në WeToo Festival është një kulmim i shumë përpjekjeve të përbashkëta ndër vite. Me mbështetjen e Ambasadës së Francës, Zana Hoxha ka pasur mundësinë të përfaqësojë Kosovën në platforma të rëndësishme ndërkombëtare: që nga vizita në Festival d’Avignon, një nga festivalet më prestigjioze të teatrit në botë, deri te nderimi i saj si Laureate e çmimit “Liderët e së Ardhmes” nga Ministria e Jashtme e Francës në vitin 2022. Ky çmim i veçantë vlerësoi angazhimin e saj të palëkundur për barazi gjinore, emancipim shoqëror dhe të drejtat e grave, një angazhim që bëri jehonë edhe përtej kufijve të Kosovës. WeToo është një festival feminist, gjithëpërfshirës dhe inovativ. /Klankosova.tv