Artmotion sjell ndeshjet e treta çerekfinale të Superligës së Basketbollit: Peja - Prishtina dhe Ylli - Bashkimi

Çerekfinale më dramatike nuk mund as t’i ketë menduar asnjëri. Duelet interesante dhe derbi mes skuadrave më të trofeshme në vend, Pejës dhe Prishtinës, por edhe fqinjëve të Yllit dhe Bashkimit nuk janë mbyllur me dy ndeshje dhe fati i skuadrave gjysmëfinaliste do të përcaktohet nga ndeshjet e treta që do të vijnë drejtpërdrejt në Art Sport 1 këtë të premte, fillimisht nga ora 17:00 e pastaj edhe nga 20:15. Ndeshja e parë që do të luhet do të jetë ajo mes Pejës dhe Sigal Prishtinës, përderisa “Shqiponjat” kishin fituar thellë në “Karagaq”, kryeqytetasit barazuan serinë në shtëpinë e tyre për ta bërë kështu ndeshjen e sotme vendimtare në lidhje me skuadrën që do të kalojë tutje në gjysmëfinale aty ku i pret skuadra më në formë e sezonit të rregullt, Ponte Prizreni. Peja, 5-shja e mundshme startuese: Walton, Kovaqi, Grapci, Shoshi, Walters Prishtina, 5-shja e mundshme startuese: Johnson, LeDay, Azemi, Janjeva, Mack Pas përfundimit të këtij dueli pushimi do të jetë shumë i shkurtër, pasi menjëherë me fillim nga ora 20:15 do të luhet edhe dueli tjetër. Këtë herë në “13 Qershori” të Suharekës përballen dy skuadrat rivale, Golden Eagle Ylli dhe Bashkimi. Edhe kjo ndeshje poashtu do të transmetohet direkt në Art Sport 1. Bashkimi pas vazhdimeve kishte fituar duelin e parë duke befasuar shumë adhurues të basketbollit, por më pas në ndeshjen e dytë therandasit treguan kualitetet e tyre të vërteta duke dhuruar një shfaqje dinjitoze për ta fituar duelin në “Sezai Surroi” dhe për ta barazuar serinë në 1-1. Kujtojmë që fituesi i këtij dueli do të përballet në gjysmëfinale kundër Rahovecit. Ylli, 5-shja e mundshme startuese: Clark, Bunjaku, Kastrati, Gill, Morina Bashkimi, 5-shja e mundshme startuese: Mala, Latkoviç, Biraj, Hamati, Oleka