Magjia e La Ligës do të vazhdojë të emocionojë shikuesit e platformës Artmotion në këtë vikend fantastik dhe të mbushur me program ekskluziv sa i përket futbollit dhe sporteve të tjera.
Plotë katër ndeshje nga La Liga dhe një tjetër nga Segunda Division do të jenë në transmetim të drejtpërdrejt gjatë kësaj të shtune.
Të gjitha ndeshjet premtojnë futboll të bukur me skuadrat që po mundohen të shkëputen në këtë fillim sezoni dhe të jenë në vijë me objektivat e tyre sezonale, por normalisht disa duele veçohen nga të tjerat.
Ndeshja kryesore e mbrëmjes pritet të jetë ajo mes Real Madrid dhe Villarrealiy e cila vjen me fillim nga ora 21:00 në Art Sport 1 nën komentimin e Naim Selmanit teksa hiç më prapa nuk mbetet as dueli Sevilla – Espanyol që nis nga ora 18:30 në Art Sport 1 do të vijë nën komentimin e Jon Ajetit.
Nga Segunda Division mund ta ndiqni duelin mes Las Palmas dhe Ponferradina që fillon në ora 18:15 dhe komentohet nga Valon Krasniqi.
Dy ndeshjet e tjera mes Alvaves – Atletico Madrid që nis nga ora 14:00 dhe Valencia – Athletic Bilbao që fillon në ora 16:15 mund t’i shikoni në KSport.
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
