Arsenali vazhdon serinë perfekte në Champions, Reali “tenis” me Monacon

Skuadra londineze ka arritur të mposhtë Interin në kuadër të Ligës së Kampionëve. Arsenali shënoi i pari në ndeshje për 1-0, ndërsa Interi u kundërpërgjigj menjëherë për të barazuar shifrat. Por, anglezët shënuan sërish për 2-1 në pjesën e parë. Në pjesën e dytë, Interi u duk skuadër më e interesuar për të shënuar, por nuk arriti ta bënte këtë. Arsenali shënoi sërish në minutat e fundit për 3-1, rezultat me të cilin edhe u mbyll ndeshja. Anglezët mbajnë kreun dhe kanë arritur 7 fitore në Ligën e Kampionëve, seri kjo perfekte dhe historike, duke pranuar vetëm 2 gola në këtë rrugëtim. Kurse Interi është në pozitën e 9-të aktualisht, duke rrezikuar kalimin direkt në fazën tjetër. Në anën tjetër, Real Madridi shënoi fitore të thellë ndaj skuadrës franceze, Monaco, 6-1. Mbretërit janë në pozitën e 2-të, për dallim nga Monaco që aktualisht është në vendin e 20 me 9 pikë nga 7 ndeshje. /Klankosova.tv