Arsenali synon zgjerimin e kapacitetit të Emirates

Arsenal po shqyrton mundësinë e zgjerimit të Emirates Stadium për të festuar 20-vjetorin e ndërtimit të tij. Sipas raportimeve nga Telegraph, klubi londinez planifikon të rrisë kapacitetin e stadiumit nga 60 mijë e 700 vende në mbi 70 mijë. Ky hap do t’i mundësonte Arsenalit të rimarrë titullin si stadiumi më i madh në Londër, një status që aktualisht i përket një tjetër klubi. Gjatë kohës së punimeve për zgjerimin, "Topçinjtë" do të zhvendosen përkohësisht në Wembley, ku do të zhvillojnë ndeshjet e tyre si vendas. Ky projekt pritet të jetë një ndër më të mëdhenjtë në historinë e klubit në vitet e fundit, duke përforcuar pozicionin e Arsenalit si një nga klubet elitare të futbollit anglez dhe evropian.