Arsenali gjen golin në fund të ndeshjes, mposht Sporting CP

Arsenali ka regjistruar një fitore jashtëzakonisht të rëndësishme në Portugali ndaj Sporting Lisbonës, në ndeshjen e parë çerekfinale në Champions League. “Topçinjtë” triumfuan falë golit të Kai Havertz, i cili gjeti golin në minutat shtesë të ndeshjes, transmeton Klankosova.tv. Skuadra e Mikel Arteta-s kishte kaluar në epërsi edhe më herët, por goli i Marti Zubimendit u anulua pas rishikimit nga sistemi VAR. Me këtë fitore, “Gunners” hedhin një hap të madh drejt kualifikimit në gjysmëfinale të Champions League, ndërsa gjithçka pritet të vendoset në ndeshjen e kthimit. Takimi i dytë mes dy skuadrave do të zhvillohet javën e ardhshme në “Emirates Stadium” në Londër.