Arritjet e artistëve kosovarë, (kult)urë në pandeminë mbyllëse

Rrallëherë ndodh që bota të përmblidhet si një grusht dhe të vlerësojë njëzëri - por kësaj here ka një pajtim të mbarëbotshëm për vitin 2020 si annus horribilis. Anash lëndimit ekonomik nga mbylljet e kufijve dhe të qytetarëve që rrodhën si pasojë e përhapjes së koronavirusit, njëjtë pësoi edhe bota e artit. Kinematë u mbyllën aq sa temë u bë nëse ky rast vetëm shënoi përshpejtimin e shuarjes së shkuarjes në kinema në favor të shikimit të filmave online. Pësuan edhe teatrot. Ashtu edhe librat e pashfaqur në panairet e anuluara. Edhe pse me shumicë dërrmuese janë artistët dhe produksionet që ua panë sherrin zhvillimeve të këtij viti, kishte edhe të tillë që ia panë hairin. Ndër ta, edhe artistët nga Kosova. Aktori Shpetim Selmani nga sivjet e tutje fillimisht do të njihet si shkrimtar. Kjo falë edhe bujës së madhe kombëtare që u bë në muajin maj kur ai e fitoi Çmimin e Bashkimit Evropian për Letërsi për veprën e tij “Libërthi i dashurisë”. [caption id="attachment_1398656" align="alignnone" width="545"] Shpëtim Selmani, shkrimtar[/caption]   Ndonëse teatri i Kosovës la perdet mbyllur në pjesën më të madhe të vitit, njëri prej emrave të tij, dramaturgu Jeton Neziraj, megjithatë doli në vitin 2021 me një shije më të ëmbël. Ai fitoi çmimin Evropian për Arritje Kulturore të këtij viti, me motivacion “tejkalimin e kufijve kombëtare dhe pengesave kulturore-historike në dhe nga Evropa”.   [caption id="attachment_1398657" align="alignnone" width="638"] Jeton Neziraj, dramaturg[/caption] https://www.youtube.com/watch?v=4aVVP06gRZI Edhe pse arritjet tjera të kosovarëve të letrave dhe skenës teatrale ishin më të pakta, atëherë mund të thuhet se në gamën e artistëve të këtij vendi, ky vit iu takoi regjisorëve kur flitet për shpërblimet e sivjetme. Gjatë verës, filmi “Exil” i regjisorit Visar Morina rrëmbeu çmimin “Zemra e Sarajevës” në Festivalin Ndërkombëtar të Filmit. [caption id="attachment_1398661" align="alignnone" width="512"] Visar Morina, regjisor[/caption]   https://www.youtube.com/watch?v=lwi9Rf6CkUY Regjisori Korab Lecaj këtë vit fitoi në kategorinë “Arritje e Jashtëzakonshme në Regji” në Festivalin e Filmbërësve të New York-ut, për filmin e metrazhit të shkurtë, “Klithma”. [caption id="attachment_1398663" align="alignnone" width="750"] Korab Lecaj, regjisor[/caption]   https://www.youtube.com/watch?v=1DBbou4duU4 Në anën tjetër, Fatos Berisha në tetor u nis për në Francë për të marrë çmimin “Grand Jury Prize” në kuadër të Festivalit “War on Screen IFF” që mbahet në qytetin Chalons-de-Chapmagne. Berisha e arriti këtë fitore për filmin “Cirku Flutures”. Ky projekt u shpërblye edhe në fillim të këtij viti, në janar, në Festivalin Ndërkombëtar të Santa Barbara-s. [caption id="attachment_1398668" align="alignnone" width="900"] Fatos Berisha, regjisor[/caption]   https://www.youtube.com/watch?v=-A0WEzYgvWE Për ta përmbyllur mirë një vit të keq ishte lajmi për filmin “Zgjoi”, debutim i regjisores Blerta Basholli, i cili u pranua në konkurrencë zyrtare në festivalin e filmit “Sundance” për vitin e ardhshëm. Blerta Basholli, regjisore   Sikurse Berisha, në Francë ngadhënjyese doli edhe aktorja, Adriana Matoshi, e cila vetëm sa shtoi këtë vit shpërblesat në raftin e saj. Për rolin e vet në filmin “Nëntori i Ftohtë” ajo u shpërblye me çmimin “Aktorja më e mirë” në festivalin parisien “See a Paris”. [caption id="attachment_1398674" align="alignnone" width="696"] Adriana Matoshi, aktore[/caption]