Arrestohet serbi pasi dyshohet se ia vodhi bashkëfshatarit të tij 3 mijë euro

Policia e Kosovës ka arrestuar të dyshuarin serb S.N., pasi i njëjti dyshohet se ia ka vjedhur 3 mijë euro bashkëfshatarit të tij, viktimës M.K., serb. Sipas njoftimit, viktima M.K, ka njoftuar policinë se persona të panjohur kanë hyrë në shtëpinë e tij në fshatin Kostandincë të Dardanës, ndërsa policia sot ka arritur ta identifikojë të dyshuarin, në shtëpinë e të cilit janë gjetur paratë e më pas i janë kthyer pronarit. “Tek i dyshuari është konfiskuar edhe një pushkë gjysmë automatike pa fishekë. I dyshimti fillimisht është arrestuar nga policia e Kosovës dhe është intervistuar në prani të avokatit mbrojtës.  Prokurori i shtetit është njoftuar lidhur me rastin dhe i njëjti ka urdhëruar se ndaj të dyshimtit të ngritët kallëzim penal "Vjedhje" dhe "Armëmbajtje pa leje", rasti procedohet në PTh.”, thuhet në njoftimin e policisë, transmeton Klankosova.tv.