Arrestohet 33 vjeçari i kërkuar për kultivim të drogës në Shqipëri

Policia e Divjakës në Shqipëri, ka arrestuar Danjel Skënderi, 33 vjeç, i cili ishte shpallur në kërkim për veprat penale të kultivimit të bimëve narkotike dhe bartjes pa leje të armëve. Skënderi ishte dënuar nga Gjykata e Korçës me 4 vite burg, nga të cilat i kanë mbetur për të vuajtur 1 vit, 10 muaj e 4 ditë, transmeton Klankosova.tv. Arrestimi u realizua nga Shërbimet e Komisariatit të Policisë Divjakë, në vijim të punës për lokalizimin e personave të shpallur në kërkim, bazuar edhe në informacionet operative të siguruara në terren. Procedurat e mëtejshme për këtë shtetas u kryen nga Shërbimet e Komisariatit të Policisë Pogradec, ndërsa 33-vjeçari do të nisë ekzekutimin e pjesës së mbetur të dënimit të tij.   Njoftimi i plotë: Kapet një 33-vjeçar i shpallur në kërkim, i dënuar me 4 vjet burgim, për kultivim të bimëve narkotikëve dhe armëmbajtje pa leje. Shërbimet e Komisariatit të Policisë Divjakë, në vijim të punës për lokalizimin dhe kapjen e shtetasve të shpallur në kërkim, bazuar dhe në informacionet e siguruara në rrugë operative, kanë bërë të mundur lokalizimin dhe kapjen e shtetasit në kërkim: Danjel Skënderi 33 vjeç, banues në fshatin Çermë Sektor, Divjakë. Ky shtetas është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”. Nga ky dënim, atij i kanë mbetur për të kryer 1 vit, 10 muaj e 4 ditë. Veprimet e tjera procedurale për këtë shtetas u kryen nga shërbimet e Komisariatit të Policisë Pogradec.