Arrestohen dy persona në Elbasan, dyshohen për trafikim të kokainës dhe kanabisit

Policia në Shqipëri, kanë arrestuar 2 persona, të cilët akuzohen nën dyshimin për trafikimin e lëndëve narkotike, kokaine dhe Kanabis. Lajmin e ka bërë të ditur policia e shtetit, me anë të një postimi në rrjetet sociale, transmeton Klankosova.tv “-F. P., 37 vjeç, banues në Elbasan, i dyshuar për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”; -L. Xh., 34 vjeç, banues në Elbasan, i dyshuar për veprën penale “Moskallëzimi i krimit”. 34-vjeçari me precedent penal në fushën e narkotikëve. Këta shtetas u kapën në flagrancë në bulevardin “Qemal Stafa”, duke udhëtuar me automjetin tip “Mercedes Benz”, me drejtues shtetasin F. P. dhe pasagjer shtetasin L. Xh. Gjatë kontrollit në automjet, shërbimet e Policisë gjetën dhe sekuestruan një shkop metalik me hapje, lëndë narkotike të dyshuar kokainë dhe kanabis, të ndara në doza gati për shitje.”, thuhet në njoftim. Gjithashtu bëhet e ditur se janë sekuestruar 3 telefona, dhe një shumë parash me vlerë monetare euro dhe Lekë, të cilat dyshen se janë përfituar nga shitja e narkotikëve.