Arrestimi i 12 zyrtarëve të ATK-së: Arritëm ta parandalojmë dëmtimin e buxhetit për 2.7 milionë euro

Drejtori i Administratës Tatimore të Kosovës Ilri Murtezaj, ka folur rreth arrestimit të 12 zyrtarëve të këtij institucioni.

Murtezaj tha se ky rast është iniciuar nga vet ATK-ja, që kishte filluar nga fillimi i vitit 2020.

Këto komente, ai i bëri gjatë një konference të mbajtur për media.

I pari i ATK-së, tha se rasti kishte të bënte rreth disa faturave fiktive të qarkulluar nga tri biznese, njofton Klankosova.tv

"Si rezultat i veprimit me kohë dhe vigjilencë i zyrtarëve të ATK-së është arritur që të parandalohet dëmtimi i buxhetit për rreth 2.7 milionë euro", tha ai.

Ilir Murtezaj, theksoi se menaxhmenti i këtij institucioni vazhdimisht bën përpjekje që të ketë llogaridhënie sa i përket stafit, me qëllim të zbatimit të drejt të ligjit për të gjithë tatimpaguesit.

"Për të parandaluar involvimin e stafit tonë në veprat e tilla, që përveç që mund ta dëmtojnë integritetin institucional, mund ta dëmtojnë edhe buxhetin e shtetit", theksoi Murtezaj.

https://klankosova.tv/arrestohen-12-zyrtare-te-atk-se-dhe-nje-afarist-pranuan-fatura-fiktive-ne-vlere-18-milione-euro/