Trajneri i Liverpoolit, Arne Slot, u shfaq i zhgënjyer pas humbjes ndaj Galatasaray në Ligën e Kampionëve. Ai vuri në dukje se ndeshja u vendos nga një episod i dyshimtë në zonën e rreptësisë.
“Dominik nuk bëri asgjë gabim. Ndjeu një kontakt të vogël dhe ra. Ishte një penallti me vetëm 20% gjasa, por arbitri vendosi ta akordojë,” deklaroi tekniku holandez, duke lënë të kuptohet se vendimi ishte i padrejtë.
Slot foli edhe për mungesën e Federico Chiesas, i cili nuk ishte as në stol në këtë përballje të rëndësishme.
“Federico pati një problem të vogël në ndeshjen ndaj Crystal Palace. Më pas nuk e përfundoi stërvitjen dhe për këtë arsye nuk ishte i gatshëm të luante sot,” theksoi ai.
Liverpool regjistroi humbjen e parë në këtë edicion të Champions League, ndërsa trajneri kërkon reagim të shpejtë nga skuadra në ndeshjet e ardhshme.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
