Arlinda tregoi dashurinë e Skënderbeut ndaj Donikës (FOTO)

Një punim i realizuar në të cilin figuron heroi kombëtar Gjergj Kastrioti-Skënderbeu duke dhuruar një puthje gruas së tij Donikës, të bijës së princit të famshëm Gjergj Arianitit po bën të gjithë për vete. Puthja e ballit, që lë pas vetes dashuri të përjetshme u punua nga artistja e re Arlinda Neziri, e cila për klankosova.tv tha se i gjithë ky realizim ka ndodhur pas një shfaqjeje teatrale: ''Punimi u realizua pas një fotografie të bërë gjatë një shfaqjeje ku dy aktorë shqiptarë po luanin rolin e Skënderbeut dhe Donikës'' ka thënë ajo.   Ky moment emocionues erdhi nga aktori Xhevat Limani, themelues dhe drejtues i Teatrit shqiptar në Amerikë, i cili përmes poemës dramatike ''Gjergj Kastriot-Skënderbeu'' ngjalli dhe solli Skënderbeun në Europë së bashku me sopranon Era Hoxha, për nder të vitit të Skënderbeut. Ndërsa me syrin prej një artisteje të talentuar Arlinda nuk la këtë moment dashurie të ikte, ajo kapi puthjen e Skënderbeut dhe Donikës dhe e ktheu më pas në një copëz letre për tu punuar thjeshtë me talentin e saj në vizatim, njofton Klan Kosova. Arlinda përveç talentit të saj në art, është e suksesshme edhe në dizajn mode.