Arjanet Muriq ka shkuar i dehur në kampin e Kombëtares së Kosovës

Federata e Futbollit të Kosovës e ka përjashtuar portierin Arjanet Muriq,nga kampi i Kombëtares së Kosovës. Në njoftimin e FFK-së thuhet se Muriq është përjashtuar nga kampi për arsye disciplinore. Gjatë ditës u raportua nga mediat se portieri i Willem II, është përjashtuar për shkak të një përleshje që kishte pasur me futbollistin tjetër të Kombëtares Edon Zhegrova. Por, si duket arsye e përjashtimit nuk qëndron këtu. Klan Kosova mëson nga burimet e saj afër Kombëtares se Arjanet Muriq, është përjashtuar sepse kishte shkuar në kamp i dehur. Lajmin se ka pasur përleshje e ka mohuar kategorikisht edhe vet Edon Zhegrova, nëpërmjet një shkrimi në Instagram. https://klankosova.tv/perjashtohet-nga-kampi-i-kombetares-se-kosoves-arjanet-muriq/