Arda Turan zbulon ndikimet e mëdha në filozofinë e tij si trajner, përmend Simeonen

Trajneri i Shakhtar Donetsk, Arda Turan, ka ndarë së fundmi disa nga përvojat dhe mësimet më të rëndësishme që ka marrë gjatë karrierës së tij nga disa prej emrave më të njohur të futbollit botëror. Në një deklaratë për mediat, Turan theksoi ndikimin e madh që ka pasur Diego Simeone në mënyrën se si ai e sheh lojën në aspektin mbrojtës. “Nga Simeone kam mësuar rëndësinë e detajeve në mbrojtje. Ai gjithashtu më ka treguar se kur një ekip lufton i bashkuar, mund të arrijë deri në fund dhe të përmbushë objektivat më të mëdha,” u shpreh ai. Ndërkohë, nga trajneri spanjoll Luis Enrique, Turan thotë se ka përfituar shumë në aspektin ofensiv. Sipas tij, Enrique i ka dhënë një perspektivë më kreative për mënyrat e ndërtimit të sulmit dhe zgjedhjet taktike në fazën përpara. Një tjetër figurë kyçe në zhvillimin e tij ka qenë edhe Fatih Terim. Turan vlerëson se nga tekniku turk ka mësuar të mos fokusohet vetëm te formacionet apo numrat në fushë, por më shumë te sistemi i lojës dhe rregullat që e mbajnë ekipin të organizuar. “Terim kishte gjithmonë zgjidhje të ndryshme për lojtarë të ndryshëm dhe arrinte t’i përshtaste ato me shumë lehtësi,” shtoi ai. Këto përvoja, sipas Turanit, kanë ndikuar drejtpërdrejt në filozofinë e tij si trajner, duke kombinuar disiplinën mbrojtëse, kreativitetin në sulm dhe fleksibilitetin taktik./Klankosova.tv