Arben Zharku në krye të QKK-së edhe katër vjet

Ministri i Kulturës,  Kujtim Gashi, ka emëruar Arben Zharkun në pozitën e drejtorit të Qendrës Kinematografike të Kosovës (QKK). Mandati i drejtorit është katërvjeçar dhe ky është mandati i dytë për Arben Zharkun. ““Për katër vite që kam qenë në pozitën e drejtorit në QKK, kam punuar me përkushtim dhe pasion maksimal dhe besoj që do të mund të kontribuoj edhe më shumë në katër vitet e ardhshme, ku përveç tjerash, do të fokusohem në adaptimin e legjislacionit të Kosovës me shtetet e Bashkimit Evropian, angazhimin për futjen në funksion të Rregullores për Lehtësirat Financiare, lobimin për anëtarësimin e Kosovës në Eurimages dhe në Media Program ”, ka thënë Zharku pas këtij vendimi, thuhet në një komunikatë nga QKK.