Arbeloa: Dhemb shumë, por jam krenar - Reali largohet pas një beteje të madhe

Real Madrid është eliminuar nga Liga e Kampionëve pas një përballjeje dramatike ndaj Bayern Munich, duke i dhënë fund ëndrrës për trofeun e 16-të. Pas ndeshjes, trajneri i madrilenëve, Alvaro Arbeloa, u shpreh i zhgënjyer, por krenar për paraqitjen e skuadrës së tij. “Më vjen keq për lojtarët, për mundin që bënë. Dhemb shumë sepse Real Madridi nuk do ta fitojë titullin e 16-të këtë vit. Jam shumë krenar. Po kthehemi në Madrid pasi dhamë gjithçka,” deklaroi ai për Movistar. Arbeloa theksoi se skuadra pati rastet e veta për të shënuar dhe për të ndryshuar fatin e ndeshjes, por momentet vendimtare nuk shkuan në favor të tyre. “Kishim disa mundësi për të shënuar. Para golit të tyre po përgatitnim disa zëvendësime, por ai gol e mbylli gjithçka. Nuk ishte e shkruar të ndodhte,” shtoi ai. Eliminimi vjen pas një ndeshjeje spektakolare, ku Reali luftoi deri në fund, por  ishte Bayerni që siguroi kualifikimin në gjysmëfinale./Klankosova.tv