Aplikacioni i diagnozës monitoron shenjat vitale me një selfie 30 sekondësh

Caducy - siç njihet - mat të dhënat shëndetësore. Transmetimi i videos analizohet në cloud me rppg, AI dhe algoritme të mësimit të thellë, duke përfshirë vizionin kompjuterik dhe përpunimin e sinjalit, shkruan Associated Press, transmeton Klan Kosova. Pas një analize të shpejtë, aplikacioni jep informacione duke përfshirë rrahjet e zemrës, ritmin e frymëmarrjes dhe nivelin e stresit. “Pra, ajo që po shikojmë, po shikojmë lëkurën e fytyrës”, shpjegon Gael Constancin nga I-Virtual. "Dhe me atë që shohim, ne shohim gjakun që lëviz nëpër lëkurë. Pra, është analiza e sinjalit. Ne masim valën më të pastër nga analiza e sinjalit direkt në fytyrën e personit dhe ritmin e frymëmarrjes, ne thjesht shikojmë gjoksin dhe numërojmë, numërojmë lëvizjen”. Kompania beson se teknologjia e saj mund të fuqizojë konsultimet në distancë, duke u dhënë mjekëve informacione të dobishme edhe përpara se të fillojnë bisedën. "Telekonsulta, rast përdorimi shumë i lehtë për ne. Fillimisht, ju masni vitalet tuaja me solucionin tonë dhe mjeku mund t'i marrë këto shenja jetësore pak para konsultimit. Dhe mund të shkojë më tej në diagnozë me këtë", thotë Constancin. CES 2023 (dikur Consumer Electronics Show) u hap në Las Vegas, Nevada më 5 janar, dhe priten rreth 100 mijë pjesëmarrës.