Football Supporters Association ka bërë një ankesë zyrtare në drejtim të FIFA-s për çmimet e larta të biletave për Botërorin 2026 që fillon më 11 qershor.
FSA thotë se FIFA po përdor pozicionin e saj monopol për të vendosur çmime shumë të larta dhe për të krijuar rregulla të paqarta për blerjen e biletave për fansat evropianë, transmeton Klankosova.tv.
Në dhjetor, FIFA kishte ofruar një numër të vogël biletash më të lira, 45 funte për secilën ndeshje.
FSA kërkon që FIFA të ndalë rritjen e çmimeve pasi ka shumë kërkesa por edhe të jap më shumë transparencë rreth shitjes së tyre, në mënyrë që gjërat të jenë më të qarta për tifozët të cilët duan të shikojnë nga afër ndeshjet e Botërorit 2026.
●●●
AHSHKRIMI NGA
Albina Haxholli
Editorial nga Klan Kosova — ndjek sport dhe zhvillimet e tjera kryesore të vendit.
