Anis Mehmeti ndryshon skuadrën por mbetet në Championship

Ipswich Town, që po synon ngjitjen në Premier League, ka nënshkruar me anësorin sulmues shqiptar, Anis Mehmeti nga rivalët e Championship-it, Bristol City, për një shumë  që raportohet të jetë tre milionë paund. Mehmeti, i lindur në Londër dhe përfaqësues i Shqipërisë, ka shënuar nëntë gola në 31 paraqitje për “Robins” këtë sezon. Ai luajti në barazimin 1-1 mes Bristol City dhe Ipswich në Ashton Gate në shtator, si dhe në fitoren 2-0 të “Tractor Boys” në ndeshjen e kthimit më herët këtë javë. Mehmeti ishte golashënuesi më i mirë i Bristolit sezonin e kaluar me 12 gola dhe në tetor iu ofrua një kontratë e re, ndërsa marrëveshja e tij aktuale skadonte këtë verë. “Të gjithë e dinë që ambicia është të rikthehemi në Premier League dhe unë jam këtu për të ndihmuar që ta arrijmë këtë,” tha Mehmeti për faqen zyrtare të Ipswich pas nënshkrimit të një kontrate deri në verën e vitit 2029. Ai është përforcimi i parë i Ipswich në këtë afat kalimtar, ndërsa skuadra renditet e treta në Championship, pasi ka fituar katër ndeshjet e fundit të kampionatit nën drejtimin e Kieran