Anëtari i ekipit të Shakirës vdes pasi u lëndua gjatë ndërtimit të skenës për koncertin në Rio

Një punëtor i cili po ndihmonte në ndërtimin e skenës për koncertin e ardhshëm të Shakirës në Brazil, ka vdekur pasi pësoi lëndime të rënda. Një deklaratë e postuar në rrjete sociale nga organizatorët e koncertit tha se “një aksident të dielën pasdite i mori jetën tragjikisht një profesionisti që po punonte për montimin e strukturave për koncertin”, transmeton Klankosova.tv. Koncerti është planifikuar të zhvillohet më 2 maj në Rio, Brazil. Në një deklaratë të dhënë për The Independent, Shakira tha: “Jam thellësisht e trishtuar për atë që ndodhi dje. Mësova se ndërsa përgatitesha për shfaqjen e kësaj fundjave, një punëtor vendas humbi jetën tragjikisht në një aksident”. “Jam vërtet e shkatërruar për familjen dhe të dashurit e tij. Zemra ime është me familjen, miqtë dhe kolegët e tij”./Klankosova.tv