Ancelotti zbulon se çfarë dhurate mori nga Kloppi në finalen e vitit të kaluar

Carlo Ancelotti ka zbuluar se Jurgen Klopp i ka dhuruar atij një cigare elektronike para finales së Ligës së Kampionëve të vitit të kaluar. Trajneri italian do të takohet me Liverpoolin e Kloppit në “Anfield” në ndeshjen e parë të raundit të 16-të të Ligës së Kampionëve të martën. Gjatë një interviste me Sky Sport Italia, Ancelotti zbuloi se Klopp i kishte bërë një dhuratë para finales së Ligës së Kampionëve 2022. “Ishte një cigare elektronike”, tha Ancelotti në intervistën e tij me Sky Italia. “Klopp është një person shumë i mirë. Ne ishim bashkë në Liverpool gjatë pandemisë dhe i dërgonim mesazhe njëri-tjetrit dhe i dërgonim dhurata”. Megjithatë, Ancelotti nuk ka sjellë dhuratë për Klopp këtë herë, ashtu siç priste trajneri gjerman. "Do t'i jap një në Madrid", tha trajneri italian duke buzëqeshur. /Klankosova.tv.