Ancelotti: Shenjë e mirë që Real Madridi nuk është favorit në Ligën e Kampionëve

Carlo Ancelotti beson se Real Madrid ka atë që duhet për të konkurruar me skuadrat që konsiderohen si favoritët për të fituar Ligën e Kampionëve këtë sezon, transmeton Klankosova.tv. Nën drejtimin e trajnerit italian, Los Blancos shkoi deri në finalen e sezonit të kaluar dhe mundi Liverpoolin 1-0 në Paris për të fituar titullin e 14-të të Ligës së Kampionëve. “Është një shenjë e mirë që Real Madridi nuk është ndër favoritët e Ligës së Kampionëve”, tha Ancelotti në konferencën për shtyp para ndeshjes me Celtic. “Sepse vitin e kaluar kishim edhe më pak shanse statistikisht. Këtë vit jemi përmirësuar pak më shumë. Mendoj se do të ndodhë siç ndodhi në vitin e kaluar”. “Ne do të garojmë deri në fund. Shpresojmë se mund të luajmë në finale”. “Në këtë kompeticion do të jemi gjithmonë të respektuar, sepse historia flet për këtë klub”. "Ne e fillojmë këtë sezon me shumë emocione, por nuk mund të mendojmë shumë përpara fazës së grupeve. Dhe pastaj do të shohim se çfarë do të ndodhë pas Kupës së Botës". Real Madridi u shortua me Celtic, RB Leipzig dhe Shakhtar Donetsk në Grupin F, por Ancelotti beson se nuk ka grup të lehtë. “Nuk është një grup i lehtë, ne i njohim mirë të gjitha skuadrat”, shtoi trajneri italian. “Celtic po bën mirë dhe ne duhet t'i respektojmë ata, si dhe dy skuadrat e tjera, Leipzig dhe Shakhtar”. "Kemi kujtimin e vitit të kaluar kundër Sherifit [Tiraspol] dhe e dimë se në këtë fazë të parë ka shumë surpriza. Mendoj se do të jetë një grup i balancuar".