Alshiqi: Chelsea tregoi karakter dhe profesionalizëm duke arritur ta rikthejë ndeshjen

Gazetarja Doruntina Alshiqi, e cila njëherit është edhe tifoze e Chelseat tha në emisionin Champions Show që u transmetua në Klan Kosova se ekipi i saj i preferuar ka treguar karakter dhe profesionalizëm duke arritur që ta rikthejnë ndeshjen kundër ekipit francez Lille. Alshiqi tregoi edhe specifikat e taktikës së përdorur nga "Blutë e Londrës" që çoi deri tek suksesi në Champions League. "Në përgjithësi ndeshja nuk më pëlqeu shumë. Por, duke e marrë parasysh rrethanat që i diskutuam dhe para ndeshjes ishte e pritshme. Lojtarët e treguan atë karakterin e tyre dhe profesionalizmin e tyre dhe arritën që ta rikthejnë ndeshjen". "Duke e marrë parasysh edhe ndeshjen e parë që u zhvillua në "Stamford Bridge" e kemi pasur një sistem të lojës ndryshe ku në vend të Jorgjinhos i cili ishte startues në këtë ndeshje, në ndeshjen e kaluar kishte qenë Ziyech. Chelsea ishte pak më agesivë dhe ndoshta ai 3-4-3 shi i rri shumë më mirë lojës osë stilit të Chelseat, sesa ky 3-5-2 shi që sonte nuk është që dha diçka". "Po ashtu edhe Jorginho, i cili ndoshta në pjesën e parë më ka zhgënjyër mjaft, por me atë pasimin në golin e barazimit e Pulisic e kompensoi, e lau vetën literalisht". Ekipi i Thomas Tuchel, pas fitores ndaj ekipit francez është në çerekfinalen e Ligës së Kampionëve. Anglezët triumfuan të mërkurën mbrëma me rezultat 1:2. Lille kaloi në epërsi me golin e Burak Yilmaz i cili shënoi nga 11-metërshi në minutën e 38-të. Rezultatin e barazoi Christian Pulisic, i cili realizoi në fundin e pjesës së parë. E ndërkaq fitoren Chelseat ia dhuroi Cesar Azpilicueta, i cili shënoi në minutën e 71-të.