Alonso dëshiron që Huijsen të udhëheqë mbrojtjen e Real Madridit

Xabi Alonso do të rikthehet te Real Madridi në javët e ardhshme, teksa merr drejtimin e skuadrës në Estadio Santiago Bernabeu. Ish-mesfushori ka konfirmuar largimin e tij nga Bayer Leverkusen si pjesë e hapit të parë drejt rikthimit të tij në Madrid. Raportime të shumta kanë nxjerrë në pah lëvizjen e Los Blancos për yllin e Bournemouth, Dean Huijsen, dhe marrëveshja tani është afruar një hap më shumë. Siç raportojnë mediat spanjolle, Alonso dëshiron që Huijsen të udhëheqë mbrojtjen e Real Madridit. Reprezentuesi spanjoll ka një opsion lirimi prej 60 milionë eurosh në marrëveshjen e tij aktuale , por në Spanjë disa raportime pretendojnë se Los Blancos do të përpiqen ta ulin atë çmim, pasi mendojnë se është shumë i shtrenjtë. /Klankosova.tv