Allegri rrezikon të suspendohet pas ofendimeve në ndeshjen ndaj Napolit

Massimiliano Allegri po përballet me një ndëshkim potencial për shpërthimin e tij verbal ndaj menaxherit të ekipit të Napolit, Gabriele Oriali. Sipas La Gazzetta dello Sport, raporti i gjyqtarit duket se nuk ka përmbajtur pothuajse asgjë lidhur me përplasjen mes trajnerit të Milanit dhe Orialit, e cila e shtyu Napolin të publikonte një deklaratë zyrtare kundër Allegrit. Ishin inspektorët federalë  të pranishëm pranë fushës në çdo ndeshje, ata që hodhën dritë mbi ngjarjen. Mbrëmë, prokurori i FIGC-së, Giuseppe Chine, arriti të lexojë raportin e inspektorëve të tij, të cilët kishin parë dhe regjistruar gjithçka. Raporti pretendon fyerje personale të përsëritura, ndaj ka gjasa që Allegri të përballet me një lloj sanksioni. Rregullorja parashikon një gjobë ose, në rastet më serioze, pezullim (që do ta vuante në kampionat). Duket se këtë herë trajneri i kuqezinjve do t’ia hedhë vetëm me një ndëshkim financiar. Natyrisht, gjithçka varet nga raportet e detajuara të inspektorëve, të cilat mund të shkojnë përtej asaj që u pa në televizion. Qëndrimi i Napolit është i qartë: në deklaratën e tyre ata folën për Orialin si ‘të fyer rëndë me terma ofendues dhe të përsëritur’ dhe për një ‘agresion që ishte plotësisht jashtë kontrollit’.