Alarm i rremë, policia s’gjeti asgjë të dyshimtë te Stacioni i Autobusëve në Prishtinë

Policia rreth orës 18:00 ka pranuar një informatë për një mjet shpërthyes në Stacionin e Autobusëve në Prishtinë. Mirëpo, për Klankosova.tv, zëdhënësja e policisë për rajonin e Prishtinës, Flora Ahmeti njoftoi se nuk kanë gjetur asgjë të dyshimtë. Ahmeti njoftoi gjithashtu se kanë nisur hetimet lidhur me këtë lajmërim që është cilësuar i rrejshëm. “Informata është trajtuar nga ana e policisë. Pas kontrolleve të kryera nga njësitet kompetente, nuk është gjetë asgjë e dyshimtë. Hetuesit policor në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast i cili është cilësuar si lajmërim i rrejshëm”, thuhet në konfirmim./Klankosova.tv https://klankosova.tv/alarm-per-mjet-shperthyes-ne-stacionin-e-autobuseve-ne-prishtine-policia-evakuon-zonen/