Aktori Morgan Freeman kërkon falje pas akuzave për ngacmim seksual

Aktori amerikan Morgan Freeman ka kërkuar falje publike pas akuzave të bëra në drejtim të tij për ngacmime seksuale. Në reagimin e tij të lëshuar ai thotë se nuk ka dashur asnjëherë ta bëjë dikë të ndihet i parespektuar apo jorehatshëm, njofton Klan Kosova. Në një deklaratë publike të mëngjesit të kësaj të enjte 80 vjeçari thotë: ''Secili që më njeh mua dhe që ka punuar me mua, e di se unë nuk jam ai person që ofendoj dikë apo e bëj dikë të ndihet keq''. Në një raport të botuar nga CNN, disa gra pohuan se ishin viktima të ngacmimit dhe sjelljes së papërshtatshme nga aktori 80-vjeçar. Në raport, dy gra duke përfshirë një asistente regjisori në Going In Style, thanë se u prekën pa dëshirë nga aktori. Gruaja deklaroi se aktori kishte bërë komente në lidhje me pamjen dhe veshjen e saj dhe se pozicionoi dorën mbi kurrizin e saj. Ajo poashtu tha se ai e pyeste nëse kishte veshur të brendshme, njofton Klan Kosova.