Aktori kosovar Selman Jusufi u shpall fitues i çmimit ‘Aktori më i mirë’ për interpretimin e tij në filmin ‘Eho’ nga Dren Zherka, në festivalin “ÉCU The European Independent Film Festival”, transmeton Klan Kosova.
Në festival këtë vit u shfaqën 73 filma nga 28 shtete, ndër ta edhe filmi ‘Eho’ i regjisorit Dren Zherka, i mbështetur nga Qendra Kinematografike e Kosovës, i cili pati premierën ndërkombëtare në Montreal World Film Festival vitin e kaluar.
‘Eho’ flet për humbjen, vetminë, dhe për një lidhje të pashprehur që i bashkon dy prindërit në moshë, larg nga njëri-tjetri, përmes një aksidenti fatal. Një grua në Gjermani fillon udhëtimin dhe eksplorimin e jetës së emigrantit ilegal dhe në vend të kësaj gjen dhimbjen dhe vetminë e saj; një njeri të moshuar në Kosovë që humbja dhe vetmia e kanë sjell në fund të udhëtimit të tij, shkruan Alsatm.
Filmi është i realizuar nga shtëpia filmike ‘ASHA’ dhe ‘MAGUSfilms’ me producent Alban Zogiani.
●●●
AHSHKRIMI NGA
Albina Haliti
Editorial nga Klan Kosova — ndjek kulturë dhe zhvillimet e tjera kryesore të vendit.
