Akil Gjakova humb nga xhudisti gjeorgjian, mbetet në lojë për medalje

Akil Gjakova është ndaluar në çerekfinale të Kampionatit Evropian të Xhudos që po mbahet në Podgoricë të Malit të Zi. Ai u mposht nga xhudisti gjeorgjian Lasha Shavdatuashvili, në një duel maratonik që zgjati 13 minuta në “Golden Score”. Por, edhe përkundër humbjes, Gjakova do ta ketë një tjetër rast për t’u kthyer me medalje nga Podgorica, kryqyteti i Malit të Zi që është nikoqir i kampionatit. Xhudisti më i mirë kosovar do ta kërkojë medaljen e bronztë përmes repesazhit, ku fillimisht do të përballet me hungarezin Daniel Szegedi. Mbetet të shihet se çfarë suksesi do ta arrijë xhudisti Akil Gjakova.