Adrian Mutu: Kosova ka një skuadër të vlefshme – futbollistët e Andorrës janë shumë agresivë

Ish-futbollisti i njohur rumun, Adrian Mutu, e ka bërë një analizë rreth kundërshtarëve të kombëtares së Rumanisë në EURO 2024. Rumania do të luajë kundër përfaqësueseve të Zvicrës, Izraelit, Kosovës, Bjellorusisë dhe Andorrës, transmeton klankosova.tv. Sipas tij, Kosova ka një skuadër të vlefshme, ndërsa futbollistët e Andorrës janë shumë agresivë. “Kemi ndeshjen e parë kundër Andorrës dhe nga përvoja ime mund t'ju them se lojtarët e tyre janë shumë agresivë, do ta shihni. Do të kemi një ndeshje të vështirë, me një lojë të ashpër dhe të ndyrë. Do të kemi një ndeshje shumë të vështirë”. “Nuk mendoj se jemi favoritë. Kosova ka një skuadër të vlefshme, e shohim se ku luajnë futbollistët e saj në Evropë. Izraeli, zakonisht, ne ishim mbi ta dhe mendoj se jemi edhe tani”, tha Adrian Mutu, për Digi Sport. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.

klankosova.tv