Ademi, futbollistëve: Ju lumtë për përkushtimin që e jepni në fanellën dardane

Kryetari i Federatës së Futbollit të Kosovës Agim Ademi, i ka uruar për fitoren futbollistët e kombëtarës së Kosovës. Ademi tha se djemtë e kombëtares sonte shkëlqyen sërish. "Goli i Muharrem Jasharit, i shënuar në fazën e hershme të lojës dëshmoi forcën dhe përgatitjen e ekipit tonë. Edhe pas përjashtimit të tij në fund të pjesës së parë, skuadra tregoi karakter të jashtëzakonshëm, duke menaxhuar lojën në mënyrë të shkëlqyeshme e duke fituar me meritë 1:0", tha Ademi. Numri një i FFK-së shprehu mirënjohjen edhe për përkrahjen e tifozëve "Dardanët", por edhe të pranishmëve të tjerë në stadium. "Ju lumtë për përkushtimin që e jepni në fanellën dardane. Vazhdojmë së bashku me krenari dhe përgjegjësi drejt fitoreve të reja!", tha Ademi.