“A jena gati Kosovë”, Zeneli rikthehet te dardanët pas 14 muajsh

Kombëtarja e Kosovës në futboll do të grumbullohet sot në Prishtinë për dy ndeshjet e muajit shtator, ndaj Moldavisë dhe Greqisë, më 3 dhe 6 shtator në kuadër të Ligës së Kombeve. E futbollisti dardan, Arbër Zeneli, do të rikthehet në fanellën e Kosovës pas 14 muajsh mungese si shkak i një lëndimit që kishte pësuar në përballjen që kosovarët kishin ndaj Malit të Zi në Podgoricë, njofton Klan Kosova. Pikërisht Zeneli me anë të një postimi në llogarinë e tij në Instagram, ka bërë një pyetje për t’i nxitur tifozët e Kosovës para dueleve të shtatorit. “A jena gati Kosovë”, ka shkruar ai. Kujtojmë se Zeneli është golashënuesi i dytë më i mirë i Kombëtares së Kosovës me shtatë gola.