Ferizaji e ka mundur Dukagjinin me rezultat 2-1.
Kjo është humbja e katërt radhazi për skuadrën e Ismet Munishit dhe e gjashta në tetë ndeshjet kampionale të këtij edicioni, njofton Klankosova.tv.
Pavarësisht se vet tekniku kishte deklaruar javë më parë se skuadra e tij do të garojë në Evropë edicionin e ardhshëm, tani gjendet në pozitën e parafundit të renditjes tabelare.
Vetëm Feronikeli'74 i ka punët më keq se klinasit.
Nga ana tjetër, golat e realizuar në pjesën e parë nga Abdeen Abdul (21) dhe Edon Sadriu (45+2), mjaftuan që "Ujqit" ta marrin fitoren e dytë këtë sezon, pasi shënimi i vonshëm (83) nga Altin Merlaku, nuk e ndryshoi fituesin.
Pas këtij triumfi, Ferizaj ngjitet në pozitën e tetë, duke lënë prapa pikërisht ekipin e "babës", raporton Klankosova.tv.
A mjaftojnë gjashtë humbje që klubi nga Klina ta shkarkojë trajnerin apo kryesia do t'i besojë ende Ismet Munishit, mbetet të shihet ditëve vijuese.
●●●
KRSHKRIMI NGA
kushtrim reshitaj
Editorial nga Klan Kosova — ndjek sport dhe zhvillimet e tjera kryesore të vendit.
A mjaftojnë gjashtë humbje që klubi nga Klina ta shkarkojë trajnerin apo kryesia do t'i besojë ende Ismet Munishit, mbetet të shihet ditëve vijuese.
