A do të luajë Messi në Kupën e Botës me Argjentinën? Përgjigjet Scaloni

Lionel Messi shkëlqeu në fitoren dominuese 5–0 të Argjentinës ndaj Zambias në La Bombonera të martën, duke shënuar një gol dhe një asist për kombëtaren e tij në atë që mund të ketë qenë ndeshja e tij e fundit në tokën argjentinase. 38-vjeçari nuk e ka konfirmuar ende nëse do të vazhdojë karrierën e tij ndërkombëtare dhe do të garojë në Kupën e Botës 2026, që do të ishte një rekord me paraqitjen e gjashtë, raporton KlanKosova.tv. Megjithatë, trajneri i Argjentinës, Lionel Scaloni, u dha gazetarëve një përditësim mbi këtë çështje. Sipas Scalonit, Messi ka “dëshirë” për të luajtur në Kupën e Botës këtë verë. “Do të jetë një privilegj nëse Leo vendos të luajë në Kupën e Botës”, tha trajneri argjentinas. “Ne të gjithë duam që ai ta shijojë atë dhe po e ndihmojmë të ndihet mirë. Ai dëshiron të njëjtën gjë si ne, tani është më i qetë sepse tashmë ka fituar një Kupë Bote. “Dëshira e tij për të qenë atje është aty, do të shohim se çfarë vendos të bëjë dhe ne do ta mbështesim”, tha ai./KlanKosova.tv.