A do të jetë e treta e vërteta për Fiorentinën apo Betisi prek finalen e parë në UECL?

"Villamarin Stadium" është sonte arena ku Betisi dhe Fiorentina i matin forcat. Kjo do të jetë përballja e parë e tyre në gjysmëfinale të UEFA Europa Conference League, pasi e dyta zhvillohet në Itali, njofton Klankosova.tv. Skuadra nga Firence po e synon finalen e tretë në këtë kompeticion, pasi paraprakisht i kishte humbur dy sosh. Në edicionin 2022/23, "Viola" humbi 2-1 nga West Ham, kurse trofeun nuk e fitoi dot as në sezonin pasues, pasi ia rrëmbeu Olimpiakosi grek, që i mposhti 1-0 pas vazhdimeve. Nga ana tjetër, spanjollët nuk kanë qenë asnjëherë deri te ndeshja e fundit e ndonjë turneu evropian, gjë që sivjet e synojnë me çdo kusht. Këtë duel mund ta ndiqni në kanalin Sport 3 të platformës gjigante, ArtMotion. Komentator, Andi Shabani!