Presidenti i Shqipërisë, Bajram Begaj, ka uruar NATO-n në 77-vjetorin e krijimit të saj, duke riafirmuar angazhimin e vendit për të qenë një partner i palëkundur në shërbim të sigurisë dhe stabilitetit të përbashkët.
Përmes një postimi në rrjetet sociale, kreu i shtetit të Shqipërisë e cilëson NATO-n si një nga arritjet më të rëndësishme të bashkëpunimit ndërkombëtar ndër vite, transmeton Klankosova.tv.
“Prej 77 vitesh NATO është një nga arritjet më të rëndësishme të bashkëpunimit ndërkombëtar, një Aleancë e ndërtuar mbi besimin dhe solidaritetin për garantimin e lirisë, sigurisë dhe mbrojtjen e përbashkët”, ka shkruar Begaj.
Ai thekson se NATO vazhdon të mbetet simbol i unitetit dhe përgjegjësisë kolektive, duke mbrojtur vlerat demokratike dhe duke forcuar sigurinë euroatlantike.
●●●
KGSHKRIMI NGA
Kasim Gerbeshi
Editorial nga Klan Kosova — ndjek shqipëria dhe zhvillimet e tjera kryesore të vendit.
