75 vjet nga lindja e ikonës, Freddie Mercury

Freddie Mercury lindi sot 75 vjet më parë në Sulltanatin e Zanzibarit, por atëbotë i quajtur Farrokh Bulsara. Vite më vonë Mercury do të pushtonte botën si lider i bendit legjendar “Queen”, duke krijuar këngë të paharruara që ende vazhdojnë të këndohen në kore anembanë botës. “We Will Rock You” e “We Are The Champions” janë mes këngëve që elektrizojnë turmat me t’u dëgjuar notat e fjalët e para të tyre. Mirëpo është kënga “Bohemian Rhapsody” ajo që konsiderohet si diskutueshëm më e mira e të gjitha kohërave ku Mercury duket ta ketë derdhur e përpunuar gjithë energjinë e tij kreative bashkë me kontributin e pamohueshëm të tre anëtarëve të tjerë të bendit. Fatkeqësisht, ai u nda nga jeta në moshën 45 vjeçare pas një beteje të rëndë me virusin HIV. https://www.youtube.com/watch?v=fJ9rUzIMcZQ