65 vjetori i Fakultetit Filozofik në Kosovë shënohet me aktivitete të ndryshme

Fakulteti Filozofik në Universitetin e Prishtinës, në datat 29 dhe 30 tetor 2025 organizon konferencën: “Shkencat shoqërore e humane dhe ndryshimi”, në shënim të 65-vjetorin e tij, si institucioni më i vjetër dhe udhëheqës në fushën e shkencave shoqërore dhe humane në Kosovë. Në këtë përvjetor të veçantë, kjo konferencë synon të reflektojë mbi rrugëtimin disadekadësh të Fakultetit, duke theksuar rolin, arritjet, kontributet, zhvillimin, shanset dhe sfidat, si dhe duke ofruar një perspektivë largpamëse për zhvillimin e tij në të ardhmen. Konferenca hapet më 29 tetor në Bibliotekën Universitare dhe do të shënohet me fjalimet e profesorëve të njohur, Prof. Rexhep Ismajli dhe Prof. Muhamedin Kullashi, të cilët do të ndajnë perspektiva për zhvillimin e gjuhës, kulturës dhe ndërkombëtarizimit në historinë e Fakultetit Filozofik. Ndërkaq, dita e dytë e konferencës më 30 tetor do të fokusohet në panele tematike që hapin hapësira për diskutime dhe reflektime mbi çështje kyçe të botës akademike dhe të shoqërisë bashkëkohore./Klankosova.tv