61 pikët e Brunsonit nuk mjaftojnë që Knicks ta shmangin humbjen ndaj Spursave

Basketbollisti i New York Knicks Jalen Brunson pati një paraqitje fantastike ndaj San  Antonio Spurs, por që 61 pikët e tij nuk mjaftuan që ekipi i tij ta shmangte humbjen. Spursat shënuan fitore ndaj Knicks me shifrat 130-126, në ndeshejn që u zhvillua në mesnatën e së shtunës me kohën tonë lokale, ku u deshën edhe shtesat për t’u kuptuar fituesi. Spursat e nisën takimin mirë duke fituar çerekun e parë me shifrat 38-27, teksa edhe perioda e dytë u mbyll në të mirë të vendasve 36-30. Megjithatë, në periudhën e tretë dhe të katërt, mysafirët u kthyen në lojë duke fituar 34-20, 30-27, për ta barazuar ndeshjen 121-121 dhe për ta dërguar në vazhdime. Në vazhdime Spursat ishin më të mirë 9-5, duke fituar në fund me rezultatin final 130-126. Ylli i këtij takimi ishte Brunson, i cili realizoi 61 pikë, katër kërcime dhe gjashtë asistime. Ndërsa më i dalluari në fitoren e Spursave ishte talenti, Victor Wembanyama, me 40 pikë, 20 kërcime dhe shtatë asistime. /Klankosova.tv.