6 persona nxirren të gjallë nga rrënojat pas shpërthimit në një shtëpi në Misuri

Gjashtë persona u nxorën të gjallë nga rrënojat e një shtëpie në Misuri të shtunën në mëngjes pasi një shpërthim i pashpjegueshëm shkatërroi banesën, thanë autoritetet.

Të gjashtë, që thuhet se ishin brenda shtëpisë në Jefferson City, u dërguan në Spitalin Universitar në Kolumbia, Misuri, me lëndime mesatare deri në të rënda, tha në një deklaratë Departamenti i Zjarrfikësve të Jefferson City. Disa nga ta u trajtuan në vendngjarje, shkruan NBC News, transmeton Klankosova.tv.

Dy prej tyre ishin në gjendje mjaft të keqe, saqë u dërguan me helikopter për një udhëtim më të shpejtë në qendrën e traumës në Spitalin Universitar.