Lajmet e fundit
Kreu i shtabit të përgjithshëm të Rusisë, Valery Gerasimov, ka deklaruar se forcat ruse kanë kapur rreth 430 ushtarë ukrainas në rajonin e Kurskut.
Gerasimov, gjatë një takimi me presidentin rus Vladimir Putin në një post komandimi në Kursk, tha se ata filluan të dorëzohen, transmeton klankosova.tv.
"Ushtarët ukrainas, duke parë se rezistenca e mëtejshme ishte e kotë, filluan të dorëzohen. Katërqind e tridhjetë luftëtarë u kapën."
Siç raporton agjencia ruse e lajmeve Tass, Putin tha se luftëtarët e kapur duhet të trajtohen si terroristë, sipas ligjeve të Federatës Ruse.
Komentet e Putinit sugjerojnë se ushtarët e kapur mund të përballen me gjyqe në gjykatat ruse dhe mund të burgosen për dekada.
