3 pikë të "arta" për Dukagjinin, Llapi në krizë të thellë

Hekuran Berisha në pjesën e parë dhe Faton Neziri dy herë në të dytën, e kompletuan fitoren 3-1 të Dukagjinit ndaj Llapit. Krejt çka arritën të bëjnë mysafirët në këtë ballafaqim të fundit për xhiron e 27-të kampionale, ishte goli i 'nderit' i shënuar nga penalltia prej Ardit Tahirit. 1-0 u mbyllën 45 minutat e para, kurse plot tre gola e karakterizuan fraksionin e dytë, raporton Klankosova.tv. Skuadra klinase është larguar nga zona e rrezikut momentalisht, pasi ka grumbulluar 35 pikë, aq sa ka Prishtina e Ferizaj, kurse tri sosh më shumë se Suharka. Ekipi llapjan gjendet në zonën e 'kuqe' me veç 30 pikë, duke rrezikuar shumë që në edicionin e ardhshëm të garojë në Ligën e Parë. Si shkak i mungesës së Ismet Munishit të suspenduar, Tahir Batatina u mposht sot nga Ardian Basha, zëvendës trajner i Dukagjinit. [caption id="attachment_2544140" align="alignnone" width="1080"] Renditja tabelare pas 27 xhiro në Superligën e Kosovës në futboll[/caption]