3 ndeshje nga BKT Superliga sot në Artmotion: Drita, Gjilani dhe Llapi luajnë ndeshjet e tyre

Dita e shtunë nis në mënyrën më të mirë të mundshme këtë vikend fantastik të mbushur me plot sport në platformën numër një në vend, Artmotion. Tre do jenë ndeshjet nga futbolli vendor të cilat do të vijnë ekskluzivisht për abonuesit në kanalet Art Sport duke filluar nga ora 13:00. Art Sport 1 është i rezervuar për duelin Drita – Malisheva, i cili luhet në stadiumin e qytetit në Gjilan dhe komentohet nga Andi Shabani. Malisheva është skuadra me formën më të dobët në elitë, pasi nuk di për fitore tani e gjashtë xhiro teksa Drita kërkon fitoren e tretë radhazi. Në Art Sport 2 dhe nën komentimin e Naim Selmanit mund të ndiçni duelin mes Dukagjinit dhe Gjilanit, dy skuadra mjaftë kualitative dhe me organikë të pasur lojtarësh që duan tre pikët për të vazhduar ndjekjen e synimeve të tyre sezonale. Këto dy duele nuk do jenë të vetmet, pasi që të shtunën në Art Sport 3 transmetohet edhe ndeshja tjetër e kësaj xhiro në BKT Superligë në mes Feronikelit dhe Llapit, duelin mes skuadrave që ndodhen në pozita të vështira tabelore do ta komentoj Arbon Flugaj.